வடமராட்சி கிழக்கு கலாசார திணைக்களத்தின் ஏற்பாட்டில் மருதங்கேணி சுகாதார வைத்திய அதிகாரி பணிமனை மற்றும் மருதங்கேணி பிரதேச வைத்தியசாலை மருத்துவர்களின் ஆதரவுடன் வடமராட்சி பகுதியில் இலவச மருத்துவமுகாம் இடம்பெற்றது.
கலாச்சார உத்தியோகத்தர் செல்வி சே. செல்வ சுகுணா தலைமையில் இன்று (27) இந்நிகழ்வு இடம்பெற்றது.
வடமராட்சி கிழக்கு பிரதேச செயலர் கு.பிரபாகரமூர்த்தி, மருத்துவ முகாமை ஆரம்பித்து வைத்தார்.
இந் நிகழ்வில் வடமராட்சி கிழக்கு பிரதேச செயலர் கு.பிரபாகரமூர்த்தி, உதவி பிரதேச செயலர் பசுபதி தயானந்தன், கலாசார உத்தியோகத்தர் சே.செல்வசுகுணா, இந்து கலாசார உத்தியோகத்தர் மாலதி ராகுலன், மருதங்கேணி உதவி சுகாதார வைத்திய அதிகாரி, மருதங்கேணி பிரதேச வைத்தியசாலை பொறுப்பு வைத்திய அதிகாரி, மேற்பார்வை சுகாதார பரிசோதகர் பாலேந்திரம் பாலதேவா, பொது சுகாதார பரிசோதகர்களான யோ.வசீகரன்.பா.கிசோகுமார்,
குடும்ப நல உத்தியோகத்தர்கள், தாதியர்கள், ஆலயங்களின் பிரதம குருக்கள்கள், ஆலய தொண்டர்கள் எனப்பலரும் கலந்து கொண்டனர்.
