ஆப்கானிஸ்தானுக்கு எதிராக நேற்று நடைபெற்ற கடைசி ரி 20 போட்டியில் இந்திய அணித்தலைவர் ரோகித் சர்மா இரண்டு பேரின் சாதனைகளை முறியடித்துள்ளார்.
பெங்களூர் சின்னச்சாமி மைதானத்தில் நடைபெற்ற இந்தப்போட்டியில் இறுதி வரை ஆட்டமிழக்காத ரோகித்சர்மா 121 ஓட்டங்களை எடுத்திருந்தார்.
ரோகித் சர்மா சதம் அடித்ததன் மூலம் ரி 20 கிரிக்கெட்டில் அதிக சதம் விளாசிய வீரர் என்ற சாதனையை படைத்துள்ளார். இதுவரை 5 சதங்கள் விளாசி உள்ளார். அவருக்கு அடுத்தபடியாக சூர்யகுமார் யாதவ், மக்ஸ்வெல் 4 சதங்கள் அடித்துள்ளனர்.
அதேபோன்று இந்த போட்டியில் 46 ஓட்டங்கள் எடுத்த போது ரோகித் சர்மா மேலும் ஒரு சாதனையை படைத்தார்.
இந்திய அணியின் தலைவராக அதிக ஓட்டங்கள் குவித்த விராட் கோலியை பின்னுக்கு தள்ளி முதல் இடத்தை ரோகித் சர்மா (1572 ஓட்டங்கள்) பிடித்துள்ளார். விராட் கோலி அணித்தலைவராக 1570 ஓட்டங்கள் எடுத்திருந்தார் என்பது குறிப்பிடத்தக்கது.
