யாழ் பிரபல விரிவுரையாளர் விபத்தால் உயிரிழப்பு!
யாழ்ப்பாணம் கோப்பாய் பகுதியில் இடம்பெற்ற விபத்தில் யாழ்ப்பாணத்தில் பிரபலமான விரிவுரையாளர் ஒருவர் உயிரிழந்துள்ளார். இச்சம்பவம் நேற்று (03.03.2022) இரவு நிகழ்ந்துள்ளது.
கோப்பாய் தேசிய கல்வியற் கல்லூரியின் விரிவுரையாளரான கனகசபை பாஸ்கரன் என்பவரே குறித்த விபத்தில் சிக்கி உயிரிழந்துள்ளார். கோப்பாய் கல்வியற் கல்லூரியி ஏற்பாடாகியிருந்த நிகழ்வில் கலந்துகொள்வதற்காக மோட்டார் சைக்கிளில் பயணித்த நிலையில் கோப்பாய் கிருஷ்ணர் கோயில் பகுதியில் விபத்து நிகழ்ந்துள்ளது.
சமிக்ஞை விளக்குகள் ஏதுமில்லாமல் வீதியோரத்தில் நிறுத்தப்பட்டிருந்த உழவு இயந்திரத்தில் மோதுண்டதில் விரிவுரையாளர் உயிரிழந்துள்ளார் என தெரிவிக்கப்பட்டுள்ளது.
சம்பவம் தொடர்பில் கோப்பாய் பொலிஸார் விசாரணைகளை மேற்கொண்டு வருகின்றனர்.
