மட்டுவில் தெற்கு வளர்மதி சனசமூக நிலையத்தின் ஸ்தாபகர் பொன்.நாகமணி அவர்களின் 25வது ஞாபகார்த்த தினமும் முதியோர் கெளரவிப்பும், மாணவர்களுக்கு கற்றல் உபகரணங்கள் வழங்கும் நிகழ்வு இடம்பெற்றது.
சனசமூக நிலையத் தலைவர் க.திவாகரன் தலைமையில், வளர்மதிக் கலையரங்கில் நடைபெற்றது.
ஸ்தாபகர் தின நிகழ்வில் ஓர் அங்கமாக மாணவர்களுக்கு கற்றல் உபகரணம் வழங்கும் நிகழ்வு வருடாவருடம் நடைபெற்றுவருவதாக நிர்வாகத்தினர் தெரிவிக்கின்றனர்.
அவ்வகையில் வளர்மதிக் கிராமத்தைச்சேர்ந்த குடும்பங்களில் கல்விபயிலுகின்ற மாணவர்களுக்கு “ஸ்தாபகர்” புலமைப்பரிசில் திட்டத்தின் ஊடாக கற்றல் உபகரணங்கள் வழங்குகின்றமை சிறப்பான விடயமாகும்.
அவ்வகையில் இன்று இடம் பெற்ற ஸ்தாபகர் ஞாபகார்த்த நிகழ்வில் ஊக்குவிக்கப்பட்ட மாணவர்களின் பதிவுகள் அவர்களை மேன்மேலும் கல்வித்துறையில் சிறப்பான இடத்தை அடைய வைக்கும் என்ற நோக்கில் எமது இணையத்தளத்தில் பதிவிடுகின்றோம்.
