யாழ்ப்பாணம் சர்வதேச வர்த்தக சந்தை 14ஆவது முறையாகவும் வெகு விமர்சையாக ஆரம்பமாகியுள்ளது.
இன்றைய தினம் (19.01.2024) யாழ்ப்பாணம் முற்றவெளியில் காலை 10:30 மணிக்கு ஆரம்பம்பிக்கப்பட்டுள்ளது.
இந்த வர்த்தக சந்தையானது நாளை மற்றும் நாளை மறுதினமும் சேர்த்து மொத்தமாக மூன்று நாட்களுக்கு நடைபெறவுள்ளது.
வர்த்தக சந்தையின் ஆரம்ப நிகழ்வில், யாழ்ப்பாணப் பல்கலைக்கழக முகாமைத்துவ வணிக பீட பீடாதிபதி ந.கங்காதரன், யாழ்ப்பாண வர்த்தக தொழிற்துறை மன்றத்தினர், இந்திய துணைத் தூதரக அதிகாரிகள் மற்றும் அனுசரணையாளர்கள் என பலரும் கலந்து கொண்டிருந்தனர்.
வர்த்தக சந்தை ஆரம்பமான கணப்பொழுதிலே வழமைபோன்று மக்கள் பலர் ஆர்வமாகக் கலந்துகொண்டு கொள்வனவில் ஈடுபட்டு வருகின்றமை குறிப்பிடத்தக்கது.
