திருகோணமலையில் படுகொலை செய்யப்பட்ட ஐந்து மாணவர்களின் நினைவேந்தல் நிகழ்வு

திருகோணமலையில் 2006 ஆம் ஆண்டு சுட்டுப் படுகொலை செய்யப்பட்ட 5 மாணவர்களின் 16வது நினைவேந்தல் நிகழ்வு இன்று (02) இடம்பெற்றது.

2005 ஆம் ஆண்டு உயர்தரப்பரீட்சைக்குத் தோற்றி பெறுபேற்றினை எதிர்பார்த்து இருந்த வேளையிலேயே இம்மாணவர்கள் 2006 ஆம் ஆண்டு திருகோணமலை கடற்கரைப்பகுதியில் சுட்டுப்படுகொலை செய்யப்பட்டனர்.

திருகோணமலை காந்தி சுற்று வட்டத்தில் இவ்நிகழ்வு இடம்பெற்றது. இவ் நிகழ்வில் பொது அமைப்புக்களின் பிரதிநிதிகள், மாணவர்களின் பெற்றோர்கள், நண்பர்கள் எனப் பலர் கலந்து கொண்டனர்.