காணாமல் போன யாழ் மீனவர்கள் இருவரின் சடலங்களும் மீட்பு!
கடந்த நான்கு நாட்களுக்கு முன்னர் காணாமல் போயிருந்த வடமராட்சி மீனவர்கள் இருவரின் சடலங்களும் கரையொதுங்கிய நிலையில் மீட்கப்பட்டுள்ளது.
வடமராட்சி வத்திராயன் மற்றும் கேவில் பகுதியில் கரையொதுங்கிய நிலையில் சடலங்கள் மீட்கப்பட்டுள்ளது.
குறித்த வடமராட்சி மீனவர்கள் இருவரும் கடந்த நான்கு நாட்களுக்கு முன் காணாமல் போயுள்ளனர். தேடுதலில் படகின் பாகங்கள் மீட்கப்பட்டிருந்தது. குறித்த மீனவர்களின் படகு இந்திய இழுவை மீன்பிடி படகுகளால் மோதி மூழ்கடிக்கப்பட்டிருக்கலாம் என சந்தேகம் தெரிவிக்கப்பட்டுள்ளது.
உயிரிழந்த இருவரும் உறவினர்கள் எனவும் ஒருவருக்கு மூன்று பிள்ளைகள் உள்ளனர் என்றும் மற்றையவர் இளைஞன் எனவும் தெரிவிக்கப்பட்டுள்ளது.
