அனுமதிப்பத்திரமின்றி சட்டவிரோதமான முறையில் பலாங்கொடையில் இருந்து பொகவந்தலாவை நோக்கி டிப்பர் வாகனத்தில் மணல் ஏற்றிச் சென்ற சந்தேக நபரொருவர் இன்று திங்கட்கிழமை (16) கைது செய்யப்பட்டுள்ளதாக பொகவந்தலாவை பொலிஸார் தெரிவித்தனர்.
பொகவந்தலாவை பொலிஸ் நிலையத்திற்கு அருகில் சந்தேகத்திற்கு இடமான முறையில் பயணித்த டிப்பர் வாகனம் ஒன்றில் மேற்கொள்ளப்பட்ட சோதனையில் சந்தேக நபர் கைது செய்யப்பட்டுள்ளார்.
கைப்பற்றப்பட்ட டிப்பர் வாகனத்தில் இருந்து மூன்று கியூப் மணல் பொலிஸாரால் கைப்பற்றப்பட்டுள்ளது.
கைது செய்யப்பட்ட சந்தேக நபருக்கு எதிராக ஹட்டன் நீதவான் நீதிமன்றில் சட்ட நடவடிக்கை எடுக்கவுள்ளதாக பொகவந்தலாவை பொலிஸார் தெரிவித்தனர்.
