வவுனியா- குருமன்காடு பகுதியில் கிணற்றிலிருந்து 29 வயதுடயை இளம் பெண்ணின் சடலம் இன்று (30.01.2024) காலை மீட்கப்பட்டுள்ளதாக வவுனியா பொலிஸார் தெரிவித்துள்ளனர்.
29 வயதுடைய ஜெனிற்றா சயந்தன் என்ற பெண்ணே இவ்வாறு சடலமாக மீட்கப்பட்டுள்ளார்.
பெண்ணின் உயிரிழப்பு தற்கொலையா அல்லது எதிர்பாராது இடம்பெற்றதா அல்லது கொலையாக என பல்வேறு கோணங்களில் பொலிஸார் விசாரணைகளை முன்னெடுத்துள்ளமையுடன் தடவியல் பிரிவினரின் உதவியினையும் பொலிஸார் நாடியுள்ளனர்.
உயிரிழந்தவரின் சடலம் வவுனியா வைத்தியாசாலைக்கு உடற்கூற்று பரிசோதனைக்காக ஒப்படைக்கப்பட்டுள்ளதுடன் உடற்கூற்றுப் பரிசோதனையின் பின்னர் உறவினரிடம் ஓப்படைக்க நடவடிக்கை மேற்கொள்ளப்படுவதாக வவுனியா பொலிஸார் தெரிவித்துள்ளனர்.
