ரயில் விபத்தில் கிளிநொச்சி மாவட்ட பொது வைத்தியசாலை பாதுகாப்பு உத்தியோகத்தர்கள் படுகாயம் அடைந்துள்ளனர்.
யாழ்ப்பாணம் நோக்கி பயணித்த யாழ் ராணி ரயிலில் மோதி குறித்த விபத்து இடம்பெற்றுள்ளது. கணேசபுரம் பகுதியில் பாதுகாப்பற்ற புகையிரத கடவையை கடக்க முற்பட்டபோதே இந்த விபத்து இடம்பெற்றுள்ளது.
விபத்தில் கிளிநொச்சி உமையாள்புரத்தைச்சேர்ந்த 58வயதான சுப்பையா சாந்தகுமார் என்பவரே படுகாயமடைந்த நிலையில் கிளிநொச்சி மாவட்ட பொது வைத்தியசாலைக்கு கொண்டு செல்லப்பட்டு மேலதிக சிகிச்சைக்காக யாழ் போதனா வைத்தியசாலைக்கு மாற்றப்பட்டுள்ளார்.
குறித்த விபத்து தொடர்பாக கிளிநொச்சி பொலிசார் விசாரணைகளை மேற்கொண்டு வருகின்றனர்.
