சென்னை அணியில் மீண்டும் ஷர்துல் தாகூர்!

கிரிக்கெட் ரசிகர்கள் மிகவும் ஆவலோடு எதிர்ப்பார்த்த இந்தியன் பிரீமியர் லீக்கின் (ஐபிஎல்) மினி ஏலம் இன்றைய தினம் நடைபெற்று வருகின்றது. குறித்த ஏலமானது இன்று (19) டுபாயில் உள்ள கோகோ கோலா அரங்கில் இடம் ஆரம்பமாகியுள்ளது.

சென்னை சூப்பர் கிங்ஸ், மும்பை இந்தியன்ஸ், கொல்கத்தா நைட் ரைடர்ஸ், குஜராத் டைட்டன்ஸ், சன்ரைசர்ஸ் ஹைதராபாத், பஞ்சாப் கிங்ஸ், டில்லி கெபிடல்ஸ், லக்னவ் சூப்பர் ஜெயிண்ட்ஸ், ராஜஸ்தான் ரோயல்ஸ், ரோயல் செலஞ்சர்ஸ் பெங்களூரு ஆகிய 10 அணிகளும் இந்த மினி ஏலத்தில் பங்கேற்றுள்ளனர்.

இதனடிப்படையில் இதுவரை சென்னை அணியின் முன்னாள் வீரரான ஷர்துல் தாகூரை 4 கோடிக்கு சென்னை சூப்பர் கிங்ஸ் அணி ஏலத்தில் எடுத்துள்ளது. இவர் கடந்த வருடம் நடந்த மெகா ஏலத்தில் டெல்லி கெபிடல்ஸ் அணி இவரை ஏலத்தில் வாங்கியது.

இந்த மினி ஐபிஎல் ஏலத்திற்காக இவரை விடுவித்திருந்த நிலையில் 2 கோடி அடிப்படை விலையாக கொண்ட ஷர்துல் தாகூரை அணியில் எடுக்க சன்ரைசர்ஸ் மற்றும் சென்னை அணிகள் கடும் போட்டியிட்ட நிலையில் சென்னை சூப்பர் கிங்ஸ் அணி இவரை தட்டி தூக்கியது.

அத்துடன் சென்னை சூப்பர் கிங்ஸ் அணி 1.8 கோடிக்கு நியூசிலாந்து வீரர் ரச்சின் ரவீந்திராவை வாங்கி உள்ளது. உலகக்கிண்ணத் தொடரில் நியூசிலாந்து அணிக்காக அதிரடியாக ஆடிய ரச்சின் ரவீந்திரா எந்த அணிக்கு செல்வார் என ரசிகர்கள் ஆர்வமாக இருந்த நிலையில் சென்னை சூப்பர் கிங்ஸ் அணி ஏலத்தில் எடுத்துள்ளது.

டேரில் மிட்செலுக்கும் தீவிர ஏலப் போர் நடந்ததை தொடர்ந்து இறுதியில் அவரை 14 கோடிக்கு சென்னை சூப்பர் கிங்ஸ் வாங்கியது.

இதைத் தவிர இலங்கை சுழற்பந்து வீச்சாளரான வனிந்து ஹரசங்க 1.50 கோடி ரூபாய்க்கு சன்ரைசர்ஸ் ஹைதராபாத் அணி வாங்கியுள்ளது. இங்கிலாந்து வீரர் ஹாரி புருக்கை டெல்லி கெப்பிடல்ஸ் அணி 4 கோடி ரூபாய்க்கு ஏலத்தில் எடுத்துள்ளது.

கொல்கத்தா நைட் ரைடர்ஸ் மற்றும் ராஜஸ்தான் அணிகள் மேற்கிந்திய வீரர் ரோவ்மேன் பவலைஎடுக்க கடும் போட்டி போட்ட நிலையில் ராஜஸ்தான் ரோயல்ஸ் அணி 7.4 கோடி ரூபாய்க்கு ரோவ்மேன் பவலை வாங்கியுள்ளது.

மேலும் அவுஸ்திரேலிய அணி வீரர் டிராவிஸ் ஹெட் ஐ 6.80 கோடிக்கு சன்ரைசர்ஸ் ஐதராபாத். அணி வாங்கியுள்ளது. 50 இலட்சம் அடிப்படை விலையில் அஸ்மதுல்லா உமர்சாயை குஜராத் அணி வாங்கியுள்ளது.
ஹர்ஷல் படேலை பஞ்சாப் கிங்ஸ், அணி 11.75 கோடிக்கு வாங்கியுள்ளது. அவுஸ்திரேலிய அணி தலைவர் பேட் கம்மின்ஸ் 20.50 கோடிக்கு ஏலம் விடப்பட்டுள்ளார். இவரை சன்ரைசர்ஸ் அணி வாங்கியுள்ளது.

இதற்கு முன்னதாக 18.50 கோடிக்கு இங்கிலாந்து வீரர் சாம் கரனை பஞ்சாப் கிங்ஸ், அணி வாங்கியதே அதிகமாக வாங்கப்பட்ட ஏல தொகையாக இருந்தது. அந்த சாதனை இன்று முறியடிக்கப்பட்டுள்ளது.