பொன்னாலை வரதராஜப் பெருமாள் கோயில் கொடியேற்றம்!
பொன்னாலை வரதராஜப் பெருமாள் கோயில் கொடியேற்றம் இன்று காலை சிறப்பாக இடம்பெற்றது. மார்கழி மாத வைகுண்ட ஏகாதசி மகோற்சவம் இன்று (05.01.2022) புதன்கிழமை காலை 7 மணிக்கு கொடியேற்றத்துடன் ஆரம்பமாகியுள்ளது.
தொடர்ந்து பத்து தினங்கள் உற்சவம் நடைபெறுவதுடன் 13ம் திகதி தேர்த்திருவிழா இடம்பெறும். அன்றைய தினம் காலை 5 மணிக்கு சுவர்க்கவாயில் தரிசனம் நடைபெறும்.
காலை பத்து மணிக்கு வசந்தமண்டப பூசை ஆரம்பமாகி 11மணிக்கு வரதராஜப் பெருமாள் தேரில் ஆரோகணிப்பார். மறுநாள் 14ம் திகதியான தைப்பொங்கல் தினத்தன்று தீர்த்தத் திருவிழா நடைபெறும்.
மறுநாள் சனிக்கிழமை 1008சங்காபிசேகம் நடைபெறும். அடியார்கள் சுகாதார நடைமுறைகளைப் பின்பற்றி கலந்துகொள்ளுமாறு ஆலய நிர்வாகத்தினரால் வேண்டுகோள் விடுக்கப்பட்டுள்ளது.
