கணவன் கண்முன் தீமூட்டி மனைவி உயிரிழப்பு. யாழில் துயரம்!
இளம் தாய் ஒருவர் தனக்குத் தானே தீமூட்டி உயிரிழந்த சம்பவம் வேலணைப் பகுதியில் இடம்பெற்றுள்ளது. இச்சம்பவத்தில் வேலையைச் சேர்ந்த அனுசா சதீஸ்குமார் எனும் 22 வயதான இரண்டு பிள்ளைகளின் தாய் ஒருவரே உயிரிழந்துள்ளார்.
கணவர் சந்தேகப்பட்டு சித்திரவதை செய்ததாகவும் இதனால் விரக்தியடைந்து தனக்குத் தானே தீ மூட்டியதாகவும் தீ மூட்டும் போது கணவர் தடுக்காது பார்த்துக்கொணாடு நின்றதாகவும் விசாரணைகளில் தெரிவிக்கப்பட்டுள்ளது.
கடந்த 20 ம் திகதி தீப்பற்றி படுகாயமடைந்த நிலையில் மீட்கப்பட்டு ஊர்காவற்துறை வைத்தியசாலையில் அனுமதிக்கப்பட்டு மேலதிக சிகிச்சைக்காக யாழ் போதனா வைத்தியசாலையில் அனுமதிக்கப்பட்டு சிகிச்சை பெற்று வந்த நிலையில் சிகிச்சை பலனின்றி நேற்றைய தினம் (25) உயிரிழந்துள்ளார்.
உயிரிழந்த பெண்ணின் கணவர் தலைமறைவாகியுள்ள நிலையில் அவரைக் கைது செய்வதற்கு நடவடிக்கை எடுக்கப்பட்டுள்ளதாகவும் சம்பவம் தொடர்பில் விசாரணைகள் மேற்கொள்ளப்பட்டு வருவதாகவும் பொலிஸார் தெரிவித்துள்ளனர்.
