வீதி விபத்தில் மூன்று பிள்ளைகளின் தந்தை உயிரிழப்பு!
கிளிநொச்சி பொலிஸ் பிரிவுக்குட்பட்ட உமையாள்புரம் பகுதியில் இன்று மாலை இடம்பெற்ற விபத்தில் மூன்று பிள்ளைகளின் தந்தை உயிரிழப்பு.
யாழ்ப்பாணத்தில் இருந்து கிளிநொச்சி நோக்கி பயணித்த டிப்பர் வாகனமும் கிளிநொச்சியில் இருந்து யாழ்ப்பாணம் நோக்கி பயணித்த மோட்டார் சைக்கிளும் உமையாள்புரம் பகுதியில் விபத்துக்குள்ளாகியுள்ளது.
ஆழியவளை பகுதியைச் சேரந்த மூன்று பிள்ளைகளின் தந்தையான கந்தசாமி கலையூகன்(39) என்பவர் சம்பவ இடத்திலேயே உயிரிழந்துள்ளார்.
விபத்தினையடுத்து டிப்பர் வாகனச் சாரதி அவ்விடத்திலிருந்து தப்பிச் சென்றுள்ளார். இறந்தவரின் உறவினர்களால் டிப்பர் சாரதி தேடப்பட்ட நிலையில் கிளிநொச்சி போலீஸ் நிலையம் முன்பாக டிப்பர் வாகனத்தை நிறுத்திவிட்டு தப்பிச் சென்றுள்ளார்.
இறந்தவரின் உடல் பிரேத பரிசோதனைக்காக கிளிநொச்சி வைத்தியசாலையில் வைக்கப்பட்டுள்ளது.
நாளைய தினம் (29) இறந்தவரின் மகன் கா.பொ. த சாதாரண பரிட்சையில் தோற்ற உள்ளார். சம்பவம் தொடர்பாக மேலதிக விசாரணைகளை கிளிநொச்சி போலீசார் மேற்கொண்டு வருகின்றனர்.
