பேரூந்தில் நசியுண்டு பெண் பலி! யாழில் துயரம்!
யாழ்ப்பாணம் நாவற்குழி பகுதியில் பேரூந்தின் சில்லில் நசியுண்டு பெண் ஒருவர் உயிரிழந்துள்ளார். இச்சம்பவம் நேற்று மாலை யாழ் நாவற்குழிA9 சாலையில் நிகழ்ந்துள்ளது.
குறித்த பெண் நாவற்குழியில் இறங்கியபோது கால் இடறி பேரூந்தினுள் வீழ்ந்துள்ளார். பேரூந்திலிருந்து இறங்கிய பயணி வீழ்ந்ததை அவதானிக்காத சாரதி பேரூந்தைச் செலுத்தியதில் பேரூந்தினுள் நசியுண்டு உயிரிழந்துள்ளார்.
நசியுண்ட பெண்ணை மீட்டு சாவகச்சேரி வைத்தியசாலையில் அனுமதித்த போதும் அவர் ஏற்கனவே உயிரிழந்துவிட்டதாக தெரிவிக்கப்பட்டுள்ளது. சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.
ஒரு சில சாரதிகளைத் தவிர அனேகமான பேரூந்தின் சாரதிகள் பயணிகள் இறங்கும் போது அவசரமாக பேரூந்தினைச் செலுத்துவதும், இறங்குவது இளைஞர்கள் என்றால் பேரூந்தினை மெதுவாகச் செலுத்தி பேருந்து ஓடும் போதே இறங்குமாறு கூறுவதும் நடைபெற்று வருகிறது. இது தொடர்பில் அதிகாரிகள் கவனம் செலுத்த வேண்டும் என சமூக ஆர்வலர்கள் தெரிவித்துள்ளனர்.
