முல்லைத்தீவு கருநாட்டுக்கேணி கடற்கரையில் கரைவலை தொழிலில் ஈடுபட்ட மீனவர் ஒருவரை கடலலை இழுத்துச் சென்ற நிலையில் அவரது சடலம் நேற்றுமுன்தினம் (30) கரையொதுங்கியுள்ளது.
மீகமுக பிரதேசத்தைச் சேர்ந்த 23 வயதுடைய மீனவரே இவ்வாறு சடலமாக மீட்கப்பட்டுள்ளார்.
கருநாட்டுக்கேணி கடற்கரைப்பகுதியில் கடந்த 29ஆம் திகதி கரைவலைக்காக கடலில் இறங்கி கயிறு இழுத்த வேளை கடல் அலை குறித்த மீனவரை இழுத்து சென்றுள்ளது.
காணாமற் போன மீனவரை தேடும் நடவடிக்கையில் கடற்றொழிலாளர்கள் ஈடுபட்டனர்.
இந்தநிலையில் நேற்றுமுன்தினம் (30) கொக்குளாய் கடற்கரையில் காணாமற்போன மீனவரின் சடலம் கரையொதுங்கியுள்ளது.
சம்பவம் தொடர்பில் கொக்கிளாய் பொலிஸாருக்கு வழங்கப்பட்ட தகவலுக்கமைய பொலிஸார் சடலத்தை மீட்டு முல்லைத்தீவு மருத்துவமனையில் ஒப்படைத்துள்ளனர்.
