ஒழுங்கமைக்கப்பட்ட குற்றக் கும்பலின் தலைவரான ஹரக் கட்டா என்ற நந்துன் சிந்தக விக்கிரமரத்னவுடன் நெருங்கிய தொடர்பில் இருந்த 6 பேரை கொழும்பு குற்றத்தடுப்பு பிரிவினர் கைது செய்துள்ளனர்.
இந்த 6 சந்தேக நபர்களும் ஹரக் கட்டாவுடன் தொலைபேசி தொடர்பு வைத்திருந்தார்கள் என்ற சந்தேகத்தின் பேரில் கைது செய்யப்பட்டதாக பொலிஸார் தெரிவித்தனர்.
குற்றப் புலனாய்வுப் பிரிவினரால் கைது செய்யப்பட்டு பயங்கரவாதத் தடைச் சட்டத்தின் கீழ் தடுத்து வைக்கப்பட்டுள்ள ஹரக் கட்டா என்ற நந்துன் சிந்தக விக்கிரமரத்ன தொடர்பில் முன்னெடுக்கப்பட்டு வரும் விசாரணைகளின் பிரகாரம் இந்தக் கைதுகள் இடம்பெற்றுள்ளன.
நேற்று (12) பிற்பகல் இந்த சந்தேக நபர்கள் வெலிகம மற்றும் அதுருகிரிய பிரதேசங்களில் வைத்து கைது செய்யப்பட்டுள்ளனர். 24, 27, 32, 38, 39 மற்றும் 43 வயதுடைய வெலிகம, திக்வெல்ல மற்றும் அதுருகிரிய பிரதேசங்களை சேர்ந்தவர்களே இவ்வாறு கைது செய்யப்பட்டுள்ளனர்.
இது தொடர்பான மேலதிக விசாரணைகளை கொழும்பு குற்றத்தடுப்பு பிரிவினர் மேற்கொண்டு வருகின்றனர்.
