பொபினியில் இனந்தெரியாத நபர்களால் கண்மூடித்தனமான துப்பாக்கிச் சூடு: பலர் காயம்!
நேற்று நள்ளிரவிற்கு சற்று முன்னதாக பொபினியின் (Bobigny – Seine-Saint-Denis) ஒரு பகுதியில் இனந்தெரியாத நபர்களால் கண்மூடித்தனமான துப்பாக்கிச் சூடு மேற்கொள்ளப்பட்டுள்ளது.
இதில் ஐவர் காயமடைந்துள்ளனர். காயமடைந்தவர்களில் இருவர் கவலைக்கிடமான நிலையில் உள்ளனர் என பொபியின் காவற்துறையினர் தெரிவித்துள்ளனர்.
இங்குள்ள cité Grémillon குடியிருப்புப் பகுதியில் ஸ்கூட்டரில் வந்த இருவர் இவர்கள் மீது துப்பாக்கிப் பிரயோகம் செய்துள்ளனர்.
காயமடைந்தவர்கள் அருகிலுள்ள அவிசென் வைத்தியசாலைக்குக் கொண்டு செல்லப்பட்டுள்ளனர்.
துப்பாக்கிச் சூட்டினை மேற்கொண்ட நபர்கள் இதுவரை கைது செய்யப்படாத நிலையில் தீவிர விசாரணைகள் ஆரம்பிக்கப்பட்டுள்ளதாக பொலிஸார் தெரிவித்துள்ளனர்.
