யாழில் துப்பாக்கிச் சூடு!
யாழ்ப்பாணம் கொழும்புத்துறை பகுதியில் விசேட அதிரடிப் படையினரால் துப்பாக்கி பிரயோகம் மேற்கொள்ளப்பட்டுள்ளது.
கொழும்புத்துறை நெளுக்குளம் பகுதியில் சட்டவிரோத மணல் கடத்தலில் ஈடுபட்டிருந்த உழவு இயந்திரத்தின் மீது விசேட அதிரடிப் படையினரால் துப்பாக்கிச்சூடு நடாத்தப்பட்டுள்ளது.
சட்டவிரோத மணல் கடத்தலில் ஈடுபட்ட உழவியந்திரத்தை நிறுத்துமாறு விடுக்கப்பட்ட அறிவுறுத்தலை மீறி தப்பிச்செல்ல முற்பட்ட உழவியந்திரத்தின் மீது துப்பாக்கி பிரயோகம் மேற்கொண்டதாக விசேட அதிரடிப் படையினர் தெரிவித்துள்ளனர்.
துப்பாக்கிச்சூட்டில் உழவியந்திரத்தின் ரயர்கள் சேதமடைந்துள்ள நிலையில் பொலிஸாரால் மீட்கப்பட்டுள்ளது. சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.
குறித்த பகுதி மற்றும் அதனை அண்டிய பகுதிகளில் சட்டவிரோத மணல் கடத்தல் அதிகரித்திருப்பதாக அப்பகுதி மக்கள் தொடர்ச்சியாக கவலை தெரிவித்திருந்தமை குறிப்பிடத்தக்கது.
