மீண்டும் வடக்கில் நீதிபதி மாணிக்கவாசகர் இளஞ்செழியன்!
திருகோணமலை மேல் நீதிமன்ற நீதிபதி மாணிக்கவாசகர் இளஞ்செழியன் மீண்டும் வவுனியா மேல்நீதிமன்ற நீதிபதியாக நியமனம். எதிர்வரும் 5ம் திகதி கடமைகளை பொறுப்பேற்பதற்கான நியமனம் வழங்கப்பட்டுள்ளது.
வழமையான இடமாற்ற நடவடிக்கையாக தலைமை நீதியரசரினால் இந்த இடமாற்றம் வழங்கப்பட்டுள்ளது. வடக்கு கிழக்கு நீதிபதிகளுக்கான 2022ம் ஆண்டுக்கான இடமாற்ற நடவடிக்கையாக இவ் இடமாற்றம் வழங்கப்பட்டுள்ளதாக தெரிவிக்கப்படுகிறது.
யாழ் மேல் நீதிமன்ற நீதிபதி அன்னலிங்கம் பிரேமசங்கர் திருகோணமலை குடியியல் மேல்முறையீட்டு நீதிமன்ற நீதிபதியாகவும் திருகோணமலை மேல் நீதிமன்ற நீதிபதி மாணிக்கவாசகர் இளஞ்செழியன் வவுனியா மேல் நீதிமன்ற நீதிபதியாகவும் இடமாற்றம் செய்யப்பட்டுள்ளனர்.
மட்டக்களப்பு குடியியல் மேன்முறையீட்டு நீதிமன்ற நீதிபதி டெனிஸ்சாந்தன் சூசைதாஸன் திருகோணமலை மேல் நீதிமன்ற நீதிபதியாகவும் வவுனியா மேல் நீதிமன்ற நீதிபதி இராமநாதன் கண்ணன் யாழ் மேல் நீதிமன்ற நீதிபதியாகவும் இடமாற்றம் செய்யப்பட்டுள்ளனர்.
திருகோணமலை குடியியல் மேன்முறையீட்டு நீதிமன்ற நீதிபதி வினாயகமூர்த்தி இராமக்கமலன் மட்டக்களப்பு குடியியல் மேன்முறையீட்டு நீதிமன்ற நீதிபதியாகவும் தலைமை நீதியரசரினால் இடமாற்றம் வழங்கப்பட்டுள்ளது.
