நாமல்ராஜபக்ச எவ்வாறு ஜனாதிபதி ஆகுவார் என்பதைப் பார்ப்போம்!
சிறீலங்கா சுதந்திரக் கட்சியின் ஆதரவு இன்றி நாமல் ராஜபக்ச எதிர்காலத்தில் எவ்வாறு ஜனாதிபதியாகவோ, பிரதமராகவோ வருவார் என்பதைப் பார்ப்போம் என சிறீலங்கா சுதந்திரக் கட்சியின் பொதுச் செயலாளர் தயாசிறி ஜயசேகர தெரிவித்துள்ளார். அம்பாந்தோட்டையில் சிறிலங்கா சுதந்திரக் கட்சியின் தொகுதி அமைப்பாளர்களுடனான சந்திப்பின் போதே அவர் இவ்வாறு தெரிவித்துள்ளார்.
சிறிலங்கா சுதந்திரக் கட்சியின் 15 இலட்சம் வாக்குகள் பொதுஜன பெரமுனவுடன் இணைந்ததால் தான் ஜனாதிபதி தேர்தலில் மாற்றம் ஏற்பட்டது. அமைசுப் பதவி வகிக்கும் அனைவரும் சிறிலங்கா சுதந்திரக் கட்சிக்கு கடமைப்பட்டுள்ளனர். எவரும் தனித்து வெற்றிபெறவில்லை எனவும் அவர் மேலும் தெரிவித்துள்ளார்.
அண்மையில் “சிறிலங்கா சுதந்திரக் கட்சி விரும்பினால் வெளியேறலாம்” என அமைச்சர் நாமல் ராஜபக்ச கருத்து தெரிவித்திருந்தமை குறிப்பிடத்தக்கது.
