இராணுவ முகாம்களை அகற்ற மறுக்கும் அனுர அரசை மக்கள் புரிந்துகொள்ள வேண்டும்- ஈ சரவணபவன்!
வடக்கில் உள்ள இராணுவ முகாம்களை அகற்ற அனுர குமார திஸாநாயக்க தலைமையிலான அரசாங்கமும் தயாராக இல்லை. தமிழ் மக்கள் தொடர்பாக தெற்கில் எந்த மனமாற்றமும் ஏற்படவில்லை என்பதையே இது காட்டுகின்றது. மாற்றம் என்ற மாயைக்குள் சிக்கிக்கொள்ளாது தமிழ் மக்கள் தமிழ்த் தேசியம் சார்ந்து பற்றுறுதியுடன் இருப்பவர்களைத் தங்கள் பிரதிநிதியாகத் தெரிவு செய்யவேண்டும்.
இவ்வாறு தெரிவித்தார் சனநாயக தமிழரசுக் கூட்டமைப்பில் மாம்பழம் சின்னத்தில் இலக்கம் 2 இல் நாடாளுமன்றத் தேர்தலில் போட்டியிடும் ஈ.சரவணவபன். யாழ்ப்பாணத்தில் நடத்திய மக்கள் சந்திப்பொன்றில் கருத்துத் தெரிவித்த போதே அவர் இவ்வாறு தெரிவித்துள்ளார். அங்கு அவர் மேலும் தெரிவித்துள்ளதாவது:
வடக்கில் உள்ள இராணுவ முகாம் கள் அகற்றப்படாது என்று கூறியிருக் கின்றார் பாதுகாப்பு அமைச்சின் ஊடகப் பணிப்பாளர் நளின் ஹேரத். தற்போதைய அரசாங்கமும் தமிழ் மக்கள் விடயத்தில் முன்னைய அர சாங்கங்கள் போன்றே செயற்படப் போகின்றது என்பதைக் கட்டியம் கூறுகின்றன இந்தச் செய்திகள்.
எந்தவொரு நாட்டிலும் தலைநகரில்
மட்டுமே பாதுகாப்புப் பலப்படுத்தப்பட்டிருக்கும். ஆனால் இலங்கையில் உள்ள நிலைமை தலைகீழாக இருக்கின்றது.
நாட்டில் எங்கும் இல்லாதவாறு வடக்கில் இராணுவ முகாம்கள் அமைக்கப் பட்டுள்ளன. இராணுவத்தினரின் பெரும்பகுதியினர் தமிழர் பகுதிகளி லேயே நிலைநிறுத்தப்பட்டுள்ளனர். தமிழ் மக்களை எப்போதும் இராணுவ அடக்குமுறைக்குள் வைத்திருக்கும் செயற்பாட்டையே கடந்த கால அரசாங்கங்கள் முன்னெடுத்தன.
மாற்றம் என்று கூறி ஆட்சிக்கு வந்தி ருக்கும் அநுரகுமார திஸாநாயக்க வின் ஆட்சியில் இந்தநிலை மாறும் என்ற எதிர்பார்ப்பு இருந்தது. ஆனால் கடந்தகால அரசாங்கங்கள் போன்றே, இந்த அரசாங்கமும் தமிழ் மக்களை அடக்குமுறைக்குள் வைத்திருக்க விரும்புகின்றது.
தமிழ் மக்கள் மாற்றம் என்ற மாயை குள் சிக்கிக்கொள்ளாது தமிழ்த்தேசியம் சார்ந்து பற்றுறுதியுடன் பயணிப்போரைத் தெரிவு செய்து நாடாளுமன்றம் அனுப்பவேண்டும். தமிழ்த் தேசியத்தின் வழியில் விட்டுக்கொடுப்பின்றிப் பயணிப்போர் ஒன்றிணைந்தே மாம்பழம் சின்னத்தில் நாடாளுமன்றத் தேர்தலில் களமிறங்கியிருக்கின்றோம்.
போலித் தமிழ்த் தேசியவாதிகளை புறந்தள்ளி மாம்பழம் சின்னத்துக்கு வாக்களித்து தமிழ் மக்களுக்காகக் குரல் கொடுக்கக்கூடியவர்களை மக்கள் தெரிவுசெய்யவேண்டும் – என்றார்.
