இளைஞன் மீது வாள்வெட்டு. கிளிநொச்சியில் அதிகரிக்கும் வன்முறை!
கிளிநொச்சி புளியம்பொக்கணை சந்திப் பகுதியில் இளைஞன் ஒருவர் மீது வாள்வெட்டுத் தாக்குதல் மேற்கொள்ளப்பட்டுள்ளது.
கன்னி வெடி அகற்றும் பணியில் ஈடுபடும் இளைஞன் ஒருவர் மீதே குறித்த கும்பல் வாள்வெட்டுத் தாக்குதல் மேற்கொள்ளப்பட்டுள்ளது. இச்சம்பவத்தில் புண்ணியமூர்த்தி மோகனவதனன் எனும் 28 வயதான இளைஞன் படுகாயமடைந்துள்ளார்.
குறித்த இளைஞன் அதிகாலை பணிக்கு இன்னுமொரு இளைஞருடன் பயணித்துக்கொண்டிருந்த போது ஆறு பேர் கொண்ட கும்பல் குறித்த இளைஞன் மீது வாள்வெட்டு தாக்குதலை நடத்தியுள்ளது.
தாக்குதலில் காயமடைந்த இளைஞன் தர்மபுரம் வைத்தியசாலையில் அனுமதிக்கப்பட்டு மேலதிக சிகிச்சைக்காக கிளிநொச்சி மாவட்ட வைத்தியசாலையில் அனுமதிக்கப்பட்டுள்ளார். பின்னர் கிளிநொச்சி மாவட்ட வைத்தியசாலையிலிருந்து மேலதிக சிகிச்சைக்காக யாழ் போதனா வைத்தியசாலையில் அனுமதிக்கப்பட்டுள்ளார்.
சம்பவம் தொடர்பில் தர்மபுரம் பொலிஸார் விசாரணைகளை மேற்கொண்டு வருகின்றனர் என தெரிவிக்கப்பட்டுள்ளது. அண்மைக் காலமாக கிளிநொச்சி மாவட்டத்தில் வன்முறைச் சம்பவங்கள் அதிகரித்து செல்வதாகவும் இதனால் மக்கள் தங்கள் அன்றாட கடமைகளை மேற்கொள் முடியாதவாறு அச்சமான சூழ்நிலை நிலவவதாக சமூக செயற்பாட்டாளர்கள் கவலை தெரிவித்துள்ளனர்.
