போதைப்பொருள் கொடுத்து சிறுமி துஷ்பிரயோகம். பெண்கள் உட்பட 6பேர் கைது!
சிறுமி ஒருவருக்கு போதைப்பொருள் கொடுத்து துஷ்பிரயோகம் செய்த குற்றச்சாட்டில் இரண்டு பெண்கள் உட்பட ஆறு பேர் கைது செய்யப்பட்டுள்ளனர். இச்சம்பவம் தலங்கம பகுதியில் இடம்பெற்றுள்ளது.
சிறுமி மருத்துவ பரிசோதனைக்காக முல்லேரியா வைத்தியசாலையில் அனுமதிக்கப்பட்டுள்ளார். சிறுமியை நீண்ட காலமாக போதைப்பொருள் கொடுத்து துஷ்பிரயோகத்திற்கு உட்படுத்தியமை தெரியவந்துள்ளது. சிறுமிக்கு மது அருந்தக் கொடுத்து மதுவை பழக்கப்படுத்தியுள்ளனர்.
கைது செய்யப்பட்டவர்கள் களனி, இராஜகிரிய, மட்டக்குளி பகுதியைச் சேர்ந்தவர்கள் என தெரிவிக்கப்படுகிறது. சந்தேக நபர்களிடம் தொடர்ந்து விசாரணை மேற்கொள்ளப்பட்டு வருவதாக பொலிஸார் தெரிவித்துள்ளனர்.
