போதைப்பொருள் பாவனையால் இரண்டு இளைஞர்கள் உயிரிழந்த சம்பவம் யாழ்ப்பாணத்தில் நிகழ்ந்துள்ளது.
போதைப்பொருள் வாங்க தாயார் பணம் கொடுக்காததால் 30 வயது இளைஞன் உயிரை மாய்த்துள்ளார்.
போதைப்பொருள் வாங்க தாயார் பணம் கொடுக்காததால் 30 வயதான இளைஞன் உயிரை மாய்த்த சம்பவம் மல்லாகத்தில் நிகழ்ந்துள்ளது. அந்த இளைஞன் போதைப்பொருள், போதை மாத்திரைகளுக்கு அடிமையானவர். போதைப்பொருள் குற்றம் தொடர்பில் சிறைச்சாலையிலிருந்தவர் அண்மையில்தான் விடுதலையாகியிருந்தார்.
தெல்லிப்பளை, கொல்லங்கலட்டி பகுதியில் 26 வயதான இளைஞன் ஒருவர் தனது நண்பருடன் ஹெரோயின் போதைப்பொருள் உட்கொண்டுள்ளார். பின்னர் ஐஸ் போதைப்பொருளும் உட்கொண்டுள்ளார்.
அதிகமான போதைப்பொருள் பாவனையால் அவருக்கு மாரடைப்பு ஏற்பட்டுள்ளது.இந்த சம்பவம் வீட்டுக்கு அருகிலேயே நடந்தது. இளைஞன் தனது தாயாருக்கு தொலைபேசியில் அழைப்பேற்படுத்தி, ஆபத்திலிருப்பதை தெரிவித்தார்.
தாயார் உடனடியாக சம்பவ இடத்துக்கு சென்ற போதும் இளைஞன் உயிரிழந்துள்ளார்.
