யாழ் இளைஞன் கூரிய ஆயுதத்தால் குத்திக் கொலை!
பூநகரி பொலிஸ் பிரிவுக்குட்பட்ட கல்முனைப் பகுதியில் யாழ்ப்பாணத்திலிருந்து சுற்றுலா சென்ற இளைஞன் கூரிய ஆயுதத்தால் குத்திக் கொலை.
இச்சம்பவம் இன்று மாலை இடம்பெற்றுள்ளது. இச்சம்பவத்தில் ஆனைக்கோட்டை சோமசுந்தரம் வீதியைச் சேர்ந்த ரஞ்சன் நிரோசன் எனும் 22 வயதான இளைஞனே உயிரிழந்துள்ளார். சம்பவம் தொடர்பில் தெரியவருவதாவது
யாழ்பாணம் ஆனைக்கோட்டைப் பகுதியிலிருந்து தனியார் வாகனத்தில் 14 பேர் சுற்றுலாவாக பூனகரி கல்முனைப் பகுதிக்கு வந்து கடலில் குளித்துக்கொண்டிருந்தனர். ஏனையோர் கரையேறிய பின்னரும் உயிரிழந்த இளைஞன் மட்டும் நீராடிக்கொண்டிருந்தார் என்றும்
அதே நேரம் வேறு பகுதியிலிருந்து படகு ஒன்றில் பெண் ஒருவரும் மூன்று ஆண்களும் அப்பகுதிக்கு வந்ததாகவும் அவர்களுடன் உயிரிழந்த இளைஞனுக்கு முரண்பாடு ஏற்பட்டதாகவும் இதன் போது படகில் வந்தவர்களில் ஒருவர் கூரிய ஆயுதத்தால் குத்தியதாகவும் கூரிய ஆயுதத்தால் குத்தியதும் அச்சத்தில் சேர்ந்து வந்தவர்கள் அவ்விடத்திலிருந்து ஓடிவிட்டு திரும்பிச் சென்று பார்த்த போது குறித்த இளைஞன் இரத்த வெள்ளத்தில் கிடந்தத நிலையில் பூனகரி வைத்தியசாலைக்கு கொண்டுசென்று அனுமதித்ததாக உயிரிழந்தவருடன் சேர்ந்து சுற்றுலா சென்றவர்கள் தெரிவித்துள்ளனர்.
உயிரிழந்த இளைஞனின் சடலம் பூனகரி வைத்தியசாலையில் வைக்கப்பட்டுள்ளது. சம்பவம் தொடர்பில் பூனகரி பொலிஸார் விசாரணைகளை மேற்கொண்டு வருகின்றனர்.
* சுற்றுலா சென்றவர்கள் 14 பேர்.
* படகில் வந்தவர்கள் பெண் ஒருவர் உட்பட நால்வர்.
* படகில் வந்தவர்கள் கூரிய ஆயுதத்துடன் வந்துள்ளனர்?
