மின்னேரியாவில் பயணிகள் பேருந்து விபத்து – பலரின் நிலை மோசம்!

மின்னேரியாவில் பேருந்து-லொரி மோதல் – 26 பேர் காயம்

மின்னேரியா – 12.08.2025

கொழும்பு-மட்டக்களப்பு பிரதான வீதியில், மின்னேரியாவின் பட்டுஓய பகுதியில் இடம்பெற்ற வாகன விபத்தில் 26 பேர் காயமடைந்துள்ளனர்.

மாதுரு ஓயாவிலிருந்து கொழும்பு நோக்கிப் பயணித்த பேருந்து, இன்று (12) அதிகாலை 3 மணியளவில் முன்னால் சென்ற டிப்பர் லொரியுடன் மோதியதில் இந்த விபத்து ஏற்பட்டுள்ளது என்று முதற்கட்ட விசாரணைகள் தெரிவிக்கின்றன.

விபத்தில் காயமடைந்தவர்கள் பொலன்னறுவை, மின்னேரியா மற்றும் ஹிங்குராக்கொட வைத்தியசாலைகளில் அனுமதிக்கப்பட்டுள்ளனர். அவர்களில் பலரின் நிலை கவலைக்கிடமாக இருப்பதாக வைத்தியசாலை ஆதாரங்கள் கூறுகின்றன.

சம்பவம் தொடர்பாக மின்னேரியா பொலிஸார் மேலதிக விசாரணைகளை மேற்கொண்டு வருகின்றனர்.

—

Editor: கதிர்