வட்டுக்கோட்டை பகுதியில் விபத்தில் சிக்கிய இளைஞன் உயிரிழப்பு!
வட்டுக்கோட்டை பொலிஸ் பிரிவுக்குட்பட்ட யாழ்ப்பாணக் கல்லூரியின் மைதானத்திற்கு அருகாமையில் மோட்டார் சைக்கிளும் மாட்டு வண்டியும் நேருக்கு நேர் மோதியதில் மோட்டார் சைக்கிளில் பயணித்த இளைஞன் காயமடைந்து மருத்துவமனையில் அனுமதிக்கப்பட்டிருந்த நிலையில் உயிரிழந்துள்ளார்.
மூளாய் பகுதியைச் சேர்ந்த சின்னையா லோகேஸ்வரன் எனும் 32 வயதான இளைஞனே குறித்த சம்பவத்தில் உயிரிழந்துள்ளார். நேற்று முன்தினம் இரவு இந்த விபத்து இடம்பெற்றுள்ளது. காயமடைந்து யாழ்ப்பாணம் போதனா மருத்துவமனையில் சிகிச்சை பெற்று வந்த நிலையில் சிகிச்சை பலனின்றி நேற்று இரவு உயிரிழந்துள்ளார்.
சம்பவம் தொடர்பில் வட்டுக்கோட்டை பொலிஸார் விசாரணைகளை மேற்கொண்டு வருகின்றனர் என தெரிவிக்கப்பட்டுள்ளது.
