இரத்தினபுரி, கஹவத்தை பொலிஸ் பிரிவுக்கு உட்பட்ட பெல்மடுல்ல – நோனாகம வீதியில் வெல்லந்துர பிரதேசத்தில் இடம்பெற்ற விபத்தில் ஒருவர் உயிரிழந்துள்ளதாக கஹவத்தை பொலிஸார் தெரிவித்தனர்.
இந்த விபத்து நேற்று திங்கட்கிழமை (21) இடம்பெற்றுள்ளது.
கடும் மழையுடன் கூடிய வானிலை காரணமாக சாரதியின் கட்டுப்பாட்டை இழந்த மோட்டார் சைக்கிள் ஒன்று வீதியில் சறுக்கிச் சென்று கவிழ்ந்து எதிர்த்திசையில் பயணித்த லொறியுடன் மோதியதில் இந்த விபத்து இடம்பெற்றுள்ளது.
விபத்தின் போது மோட்டார் சைக்கிளின் செலுத்துனர் படுகாயமடைந்துள்ள நிலையில் கஹவத்தை ஆதார வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்துள்ளார்.
இரத்தினபுரி பலாங்கொடை பிரதேசத்தைச் சேர்ந்த 59 வயதுடைய நபரே உயிரிழந்துள்ளார்.
இதனையடுத்து லொறியின் சாரதி சந்தேகத்தின் பேரில் பொலிஸாரால் கைது செய்யப்பட்டுள்ளார்.
இது தொடர்பான மேலதிக விசாரணைகளை கஹவத்தை பொலிஸார் மேற்கொண்டு வருகின்றனர்.
