கடற்தொழிலுக்கு சென்றவர் சடலமாக மீட்பு! அராலியில் துயரம்!
கடற்தொழிலுக்கு சென்றவர் சடலமாக மீட்கப்பட்ட சம்பவம் அராலியில் சோகத்தை ஏற்படுத்தியுள்ளது.
அராலி மத்தியைச் சேர்ந்த சிதம்பரம் நாகராசா (53) எனும் குடும்பஸ்தரே சடலமாக மீட்கப்பட்டுள்ளார்.
நேற்று மாலை கடற்தொழிலுக்கு சென்றவர் காலைவரை வீடு திரும்பாத நிலையில் உறவினர்கள் தேடுதலை மேற்கொண்ட போதே அராலி பொன்னாலை கடற்கரையில் படகு கரையொதுங்கிய நிலையில் படகில் சடலம் இனங்காணப்பட்டுள்ளது.
சம்பவம் தொடர்பில் வட்டுக்கோட்டை பொலிஸாருக்கு தெரிவிக்கப்பட்டுள்ளதாக உறவினர்கள் தெரிவித்துள்ளனர்.
