எதிர்வரும் சுதந்திர தினத்தன்று இலங்கை தேசியக்கொடியை ஏற்ற விடமாட்டோம்- மீனவர்கள்!
இந்திய மீனவர்களின் அத்துமீறலை கட்டுப்படுத்துமாறு வலியுறுத்தி வீதி மறியல் போராட்டத்தில் மீனவர்கள் ஈடுபட்டு வருகின்றனர். இதன் தொடர்ச்சியாக இன்று(03) யாழ் மாவட்ட செயலகத்தை முற்றுகையிடப் போவதாக மீனவர்கள் தெரிவித்துள்ளனர்.
மூன்று நாட்களாக போராட்டம் மேற்கொண்டு வரும் நிலையில் இதுவரை அதிகாரிகளால் உறுதியான பதில் வழங்கப்படவில்லை. இதனால் யாழ் மாவட்ட செயலகத்தினை முடக்கி A9 வீதியின் போக்குவரத்தினையும் முடக்கி போராட்டத்தை முன்னெடுக்கவுள்ளதாக மீனவர்கள் தெரிவித்துள்ளனர்.
மேலும் எதிர்வரும் இலங்கையின் சுதந்திர தினத்தன்று இலங்கையின் தேசியக்கொடியை ஏற்ற விடாது தடுப்போம் எனவும் மீனவர்கள் தெரிவித்துள்ளனர்.
