மின்சாரம் தாக்கி இளைஞன் பரிதாப மரணம்!
யாழில் துயரம்!
சீமெந்து கல் அரியும் இயந்திரத்தை இயக்கிய இளைஞர் மின்சாரம் தாக்கி உயிரிழந்துள்ள சம்பவம் யாழ்ப்பாணம் கொழும்புத்துறை பகுதியில் இடம்பெற்றுள்ளது.
கொழும்புத்துறையைச் சேர்ந்த சுரேஷ்வரதன் சுதர்சன் எனும் 29 வயதான இளைஞனே உயிரிழந்துள்ளார். இச்சம்பவம் நேற்று மதியம் நடந்துள்ளது.
மின்சார வயரில் ஏற்பட்ட மின் ஒழுக்கால் கல் அரியும் இயந்திரத்திற்கு மின்சாரம் பாய்ந்துள்ளது என்றும் அந்தச் சந்தர்ப்பத்தில் இயந்திரத்தை இயக்கிய இளைஞர் மின்சாரத் தாக்குதலுக்கு இலக்காகி உயிரிழந்துள்ளார் என தெரிவிக்கப்பட்டுள்ளது.
சடலம் யாழ்ப்பாணம் போதனா மருத்துவமனையில் ஒப்படைக்கப்பட்டுள்ளது. பொலீஸார் மேலதிக விசாரணைகளை மேற்கொண்டு வருகின்றனர்.
