ஈஸ்டர் ஞாயிறு ஆராதனைகள் நடைபெறும் அனைத்து கிறிஸ்தவ தேவாலயங்களிலும் இன்றையதினம்(31) விசேட பாதுகாப்பு வேலைத்திட்டத்தை நடைமுறைப்படுத்த பொலிஸார் நடவடிக்கை எடுத்துள்ளனர்.
இந்த பாதுகாப்பு ஏற்பாடு இன்று பிற்பகல் வரை ஆராதனை நிறைவடைந்து பக்தர்கள் அனைவரும் அவரவர் வீடுகளுக்கு செல்லும் வரை நடைமுறைபடுத்தப்படும் என பொலிஸ் தலைமையகம் தெரிவித்துள்ளது.
கடந்த 2019 ஆம் ஆண்டு உயிர்த்த ஞாயிறு தினத்தில் குண்டு வெடிப்புத் தாக்குதல் நடத்தப்பட்டதைத் தொடர்ந்து இந்த பாதுகாப்பு பலப்படுத்தப்பட்டு வருகின்றமை குறிப்பிடத்தக்கது.
