‘இறுதிவரை பேராடியே மடிந்தவர் பிரபாகரன்’ டக்ளஸுக்கு பொன்சேகா பதிலடி!
இறுதிப் போரில் பிரபாகரன் சரணடையவில்லை. அவரை இராணுவத்தினர் உயிருடன் பிடிக்கவும் இல்லை. போர்க்களத்தில் அவர் இறுதிவரை போராடி உயிர் இழந்தார். இவ்வாறு முன்னாள் இராணுவத் தளபதியும் நாடாளுமன்ற உறுப்பினருமான சரத் பொன்சேகா தெரிவித்தார்.
தமிழீழ விடுதலைப் புலிகளின் தலைவர் பிரபாகரன் போரின் இறுதிக்கட்டத்தில் சரணடைந்த பின்னர் உயிரிழந்தார் என அமைச்சர் டக்ளஸ் தேவானந்தா தெரிவித்திருந்தார். இந்த கருத்து தொடர்பில் கேட்டபோதே அவர் மேற்கண்டவாறு பதிலளித்தார்.அவர் மேலும் தெரிவிக்கையில்
பிரபாகரனின் சாவினை வைத்து அன்று தொடக்கம் இன்றுவரை சிலர் அரசியல் செய்து வருகின்றனர். இராணுவத்தினருடனான நேரடி மோதலில் பிரபாகரன் உயிரிழந்தார் என்பது உண்மை. அவரின் வெற்றுடலையே இராணுவத்தினர் மீட்டனர். பிரபாகரன் ஒரு பயங்கரவாத குழுவின் தலைவர். எனினும் அவர் சிறந்த போர்வீரன். அதனால் அவர் மீது எனக்கு தனி மரியாதை உண்டு.
பிரபாகரனை உயிருடன் பிடிக்க வேண்டும் என இந்தியா உள்ளிட்ட சில நாடுகள் விரும்பின. அந்த நாடுகள் இலங்கை அரசுக்கு அழுத்தமும் கொடுத்திருந்தன. எனினும் பிரபாகரன் எந்த ஒரு தரப்பினரிடமும் சிக்காமல் இறுதிவரை போராடிய சாவடைந்தார் என்று தெரிவித்துள்ளார்.
