தந்தையும் மகனும் பரிதாப மரணம்: திரண்ட பொதுமக்களால் பதட்டம்!
வவுனியா பூவரசங்குளம் புதுக்குளம் பகுதியில் மோட்டார் சைக்கிள் _ தனியார் பேருந்து விபத்தில் 35 வயதான தந்தையும் 17 வயதான மகனும் பரிதாபமாக உயிரிழந்துள்ளனர். இச்சம்பவம் இன்று காலை நிகழ்ந்துள்ளது.
புதுக்குளம் பகுதியில் மன்னார் வவுனியா பிரதான வீதியில் ஏறிய மோட்டார் சைக்கிளை மன்னாரிலிருந்து வவுனியா நோக்கி பயணித்த பேரூந்து மோதியுள்ளது. பேரூந்தின் கீழ் நசியுண்டு ஒருவர் சம்பவ இடத்திலேயே உயிரிழந்தார். மற்றையவர் வைத்தியசாலைக்கு கொண்டு செல்லும் வழியில் உயிரிழந்துள்ளார்.
சம்பவத்தை அடுத்து அப்பகுதியில் ஒன்றுகூடிய பொதுமக்கள் பேரூந்தின் கண்ணாடிகளை அடித்து நொருக்கியுள்ளனர். இதனால் அப்பகுதியில் பதற்றம் நிலவியது. சம்பவ இடத்திற்கு வந்த பொலிஸார் நிலமையை கட்டுப்படுத்தியதுடன் விபத்து தொடர்பில் விசாரணைகளை மேற்கொண்டு வருகின்றனர்.
