2024 ஆம் ஆண்டு ஐபிஎல் தொடரில் டெல்லி கேப்பிடல்ஸ் அணிக்கு எதிரான போட்டியில் சென்னை சூப்பர் கிங்ஸ் அணி முதல் தோல்வியை தழுவி இருக்கிறது.
விசாகப்பட்டினத்தில் நேற்று இரவு நடைபெற்ற இந்த போட்டியில் நாணய சுழற்சியில் வெற்றி பெற்று முதலில் துடுப்பெடுத்தாடிய டெல்லி அணி, ஐந்து விக்கெட் இழப்பிற்கு 191 ஓட்டங்களை பெற்றது.
அதனை தொடர்ந்து, களம் இறங்கிய சி.எஸ்.கே அணி 7 ஓட்டங்களுக்கு இரண்டு விக்கெட்டுக்களை இழந்து தடுமாறியது.
எனினும் கடைசி கட்டத்தில் தோனி அதிரடியாக ஆடி 16 பந்துகளில் 37 ரன்கள் சேர்க்க சி.எஸ்.கே அணி 20 ஓவர் முடிவில் 6 விக்கெட் இழப்பிற்கு 171 ரன்களைப் பெற்று தோல்வியை தழுவியது.
நடப்பு சாம்பியன் சென்னை அணி தனது முதலாவது லீக் ஆட்டத்தில் 6 விக்கெட் வித்தியாசத்தில் பெங்களூரு ராயல் சேலஞ்சர்ஸ் அணியை வெற்றிக்கொண்டது.
இரண்டாவது போட்டியில் 63 ஓட்டங்கள் வித்தியாசத்தில் குஜராத் டைட்டன்சை வீழ்த்தியது. இந்நிலையில் மூன்றாவது வெற்றியை சென்னை சூப்பர் கிங்ஸ் அணி பெறும் என எதிர்பார்த்த நிலையில் தோல்வியை தழுவியது.
