மீனவர்கள் மதுபோதையில் வீம்புக்கு வந்தால் உடம்பு நொந்துவிடும். மிரட்டும் டக்ளஸ்!
மீனவர் போராட்டத்தின்போது மீனவர்களுக்கு நான் அடித்திருந்தால் என்ன நடந்திருக்கும். அதனால் தான் நான் பேசாமல் திரும்பிச் சென்றேன் மீனவர்கள் மதுபோதையில் நிற்கிறார்கள் என்று நான் சொன்னது உண்மைதான் என கடற்றொழில் அமைச்சர் டக்ளஸ் தேவானந்தா தெரிவித்துள்ளார்
பருத்தித்துறை பிரதேச செயலகத்தில் நேற்று இடம்பெற்ற கலந்துரையாடலில் அவர் இவ்வாறு தெரிவித்துள்ளார். அவர் மேலும் தெரிவிக்கையில் சுப்பர் மடத்தில் இடம்பெற்ற போராட்டத்தில் பிரச்சினையை தீர்க்க சென்றேன் அங்கு கத்தி கூக்குரல் எழுப்பினர் அங்கு நான் அடித்திருந்தால் என்ன நடந்திருக்கும்.
நான் எதற்கும் பயந்தவன் அல்ல. சுமுகமான தீர்வு வேண்டும் என்பதாலேயே கதைக்கச் சென்றேன். நான் பிரச்சினையை தீர்ப்பேன் என்று சொன்னபோது எழுத்துமூலம் கேட்டனர். அந்தப் போராட்டத்திற்கு என்ன முடிவு கிடைத்தது. நான் நினைத்திருந்தால் ஒரு சுண்டுவிரலில் போராட்டத்தை முடித்திருப்பேன். நான் அப்படிச் செய்யவில்லை எனெனில் போராடச் சொன்னதே நான்தான்.
இழுவைப் படகுகள் வரலாமென்று கடற்படைக்கு நான் நினைத்தால் சொல்லலாம். என்னை யாரும் தடுக்க முடியாது. இலங்கை அரசும் இந்தியாவுடன் முரண்படத் தயாராக இல்லை, முரண்படவும் மாட்டாது. மீனவர்கள் மதுபோதையில் நிற்கின்றனர் என்று சொன்னது உண்மைதான். அவர்கள் வீம்புக்கு வந்தால் அவர்களது உடம்பு நொந்துவிடும் என்று கருதியே அங்கிருந்து வெளியேறினேன் என்றார்.
