யாழில் மின்சாரம் தாக்கி கணவன் மனைவி உயிரிழப்பு! யாழில் துயரம்!
யாழ்ப்பாணம் புத்தூர் பகுதியில் மின்சாரம் தாக்கியதில் கணவனும் மனைவியும் உயிரிழந்துள்ளனர். இத்துயரம் இன்று யாழ் புத்தூர் பகுதியில் நிகழ்ந்துள்ளது.
மகன் வேலைக்கு சென்ற நிலையில் மகள் யாழ் பல்கலைக்கழகத்தில் கல்வி கற்று மாலை வீட்டுக்கு சென்ற போது வீட்டில் பெற்றோர் இருக்கவில்லை. இதனையடுத்து தேடியபோது தண்ணீர்த் தொட்டி அருகில் தாய் தந்தையர் சடலமாக காணப்பட்டுள்ளனர்.
நீர் இறைக்கும் மோட்டாருக்கு செல்லும் வயரில் மின் ஒழுக்கு ஏற்பட்டு வாழை மரத்திற்கு மின்சாரம் பாய்ந்துள்ளது. நீர்த் தொட்டியில் வாழை இலை தொடுகையாகியிருந்துள்ளது. வாழை இலை ஊடாக தொட்டியில் உள்ள தண்ணீரில் மின்சாரம் பாய்ந்துள்ளது. இதனூடாகவே கணவன் மனைவி மின்சார தாக்கத்திற்கு உள்ளாகியிருக்கலாம் என இதுவரையான விசாரணைகளில் தெரியவந்துள்ளது.
சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர். சம்பவம் தொடர்பில் மேலதிக தகவல்கள் கிடைப்பின் பின்னர் அறியத்தருகின்றோம்.
