அலறல் சத்தம்:வீதிக்கு வந்து பார்த்தபோது இரத்த வெள்ளத்தில் பெண்ணின் சடலம்!
மன்னார் கீரிப் பகுதியில் பெண்ணின் சடலம் மீட்பு. தலையில் காயத்துடன் இரத்த வெள்ளத்தில் கிடந்த சடலம். இச்சம்பவம் நேற்று நண்பகல் நிகழ்ந்துள்ளது.
மன்னார் கீரிப் பகுதியைச் சேர்ந்த அந்தோனிப்பிள்ளை மரியசீலி எனும் 56 வயதான பெண் ஒருவரின் சடலமே மீட்கப்பட்டுள்ளதாக தெரிவிக்கப்படுகிறது. சம்பவம் தொடர்பில் தெரியவருவதாவது
மாதாந்த கிளினிக்கிற்காக மருத்துவமனைக்கு சென்று வீடு திரும்பிய போதே இச்சம்பவம் நிகழ்ந்துள்ளது. வீதியில் அலறல் சத்தம் கேட்டு அயலில் வசிப்பவர்கள் வீதிக்கு வந்து பார்த்த போது தலையில் ஏற்பட்ட காயத்தினால் அதிகளவு இரத்தம் வெளியேறிய நிலையில் சடலமாக காணப்பட்டுள்ளார்.
குறித்த பெண் தங்க ஆபரணங்கள் அணிந்துள்ளார். அவற்றை கொள்ளையடிப்பதற்காக இந்தப் பெண் கொல்லப்பட்டிருக்கலாம் என சந்தேகம் தெரிவித்துள்ள பொலிஸார் சம்பவம் தொடர்பில் மேலதிக விசாரணைகளை மேற்கொண்டு வருவதாகவும் தெரிவித்தனர்.
