மாணவர்கள் இருவர் கடலில் மூழ்கி காணாமல் போயுள்ளனர்!
மட்டக்களப்பு கிரான் நாகவத்தை கடலில் மூழ்கிய மாணவர்கள் இருவர் கடலில் மூழ்கி காணாமல் போயுள்ளனர். இச்சம்பவம் இன்று மாலை நிகழ்ந்துள்ளது. கிரானைச் சேர்ந்த ஜீ சுஜாநந்தன் (16), ச. அக்சயன் (16) ஆகிய மாணவர்களே காணாமல் போயுள்ளனர்.
இன்று தைப்பொங்கல் தினமென்பதால் பாடசாலை விடுமுறை. ஒரே வகுப்பில் படிக்கும் மாணவர்கள் ஏழுபேர் கடலில் நீராடியுள்ளனர்.இதன்போது மூன்று மாணவர்கள் கடல் அலையில் சிக்கிய நிலையில் ஒரு மாணவன் மீட்கப்பட்டுள்ளார். இரண்டு மாணவர்கள் கடலில் மூழ்கி காணாமல் போயுள்ளனர்.
காணாமல் போன மாணவர்களை உள்ளூர் மீனவர்கள், சுழியோடிகளுடன் இணைந்து கடற்படையினரும் தேடி வருகின்றனர். தைப்பொங்கல் தினத்தன்று நிகழ்ந்த துயரத்தில் அப்பகுதியே சோகத்தில் மூழ்கியுள்ளது.
