யாழ்ப்பாணம் கல்வியங்காடு பகுதியில் வாள்வெட்டு தாக்குதல். இருவர் படுகாயம்!
யாழ்ப்பாணம் கல்வியங்காடு பகுதியில் இன்று இரவு இடம்பெற்ற வாள்வெட்டு தாக்குதலில் இருவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர். 47 வயதான இருவரே காயமடைந்த நிலையில் வைத்தியசாலையில் அனுமதிக்கப்பட்டுள்ளனர்.
யாழ்ப்பாணம் கல்வியங்காடு சட்டநாதர் கோவிலுக்கு அண்மையாக உள்ள வீட்டிற்கு முன் இருவர் மோட்டார் சைக்கிளில் வந்து நின்று கதைத்துக்கொண்டிருந்த போது மூன்று மோட்டார் சைக்கிளில் வந்த ஆறு பேர் கொண்ட கும்பல் குறித்த வாள்வெட்டு தாக்குதலை மேற்கொண்டதாக தெரிவிக்கப்படுகிறது.
சம்பவம் தொடர்பில் கோப்பாய் பொலிஸாருக்கு தெரிவிக்கப்பட்ட போதும் தாமதமாகவே சம்பவ இடத்துக்கு பொலிஸார் வந்ததாக குற்றஞ் சாட்டப்படுகிறது. கோப்பாய் பொலிஸார் விசாரணைகளை மேற்கொண்டு வருகின்றனர்.
