எரிபொருள் நிரப்பு நிலையத்தில் மோட்டார் சைக்கிள் ஒன்றுக்கு எரிபொருள் நிரப்பிய வேளை மோட்டார் சைக்கிளில் திடீரென தீ பற்றியது.
இந்தச் சம்பவம் வவுனியா-ஹொரவப்பொத்தானை எரிபொருள் நிரப்பு நிலையத்தில் கடந்த செவ்வாய்க்கிழமை இடம்பெற்றது.
எரிபொருள் நிலையத்தில் வரிசையின் அடிப்படையில் எரிபொருள் நிரப்பிக்கொண்டிருந்த வேளை, நபரொருவர் மோட்டார் சைக்கிளுக்கு எரிபொருள் நிரப்பச் சென்றார்.
மோட்டார் சைக்கிளுக்கு எரிபொருள் நிரப்பிக்கொண்டிருந்த போதே மோட்டார் சைக்கிளின் எரிபொருள் தாங்கியிலிருந்து திடீரென தீ பற்றியது.
அதனையடுத்து எரிபொருள் நிலைய ஊழியர்கள் உடனடியாகச் செயற்பட்டு தீயைக் கட்டுப்பாட்டுக்குள் கொண்டு வந்தனர்.
