யாழில் பல்வேறு குற்றச்செயல்களுடன் தொடர்புடையவர் கைது!
யாழ்ப்பாணத்தில் பல்வேறு குற்றச்செயல்களுடன் தொடர்புடையவர் என்று தேடப்பட்டு வந்த நபர் நேற்று முன்தினம் இரவு கைதுசெய்யப்பட்டுள்ளார்.
கொக்குவில் தாவடி பகுதியைச் சேர்ந்த 22 வயதான இளைஞனே இவ்வாறு கைதுசெய்யப்பட்டுள்ளார். யாழ்ப்பாணம் மற்றும் கோப்பாய் பகுதிகளில் இடம்பெற்ற வாள்வெட்டு மற்றும் வீடுகளை சேதமாக்கியது போன்ற குற்றச்சாட்டுகளிற்காக நீண்ட காலமாக தேடப்பட்டு வந்த நிலையில் கைதுசெய்யப்பட்டுள்ளார்.
இவர் நீண்ட காலமாக தலைமறைவாகியிருந்த நிலையில் பொலிஸாருக்கு கிடைத்த இரகசிய தகவலையடுத்து கைதுசெய்யப்பட்டுள்ளார். ஆரம்ப விசாரணைகளின் பின்னர் நீதிமன்றத்தில் முற்படுத்துவதற்கு நடவடிக்கை எடுத்துள்ளதாக பொலிஸார் தெரிவித்துள்ளனர்.
