வட்டுக்கோட்டையில் வாள்களுடன் மக்களை அச்சுறுத்திய கும்பல்! ஒருவர் கைது!
வட்டுக்கோட்டையில் வாள்களுடன் மக்களை அச்சுறுத்திய ஒருவர் ஊர் இளைஞர்களால் பிடிக்கப்பட்டு பொலிஸாரிடம் ஒப்படைக்கப்பட்டுள்ளார்.
இந்தச் சம்பவம் சங்கரத்தைச் சந்தியில் நேற்றைய தினம் இரவு இடம்பெற்றது. மூன்று இளைஞர்களே இவ்வாறு வாள்களுடன் நடமாடியதாக தெரிவிக்கப்படுகிறது.
வாள்களுடன் நடமாடுவதை அவதானித்த வட்டுக்கோட்டை இளைஞர்கள் வழிமறிக்க முற்பட்ட வேளை மூவரும் பயணித்த மோட்டார் சைக்கிள் விபத்துக்குள்ளாகி வீதியில் வீழ்ந்துள்ளனர். அவர்களில் இருவர் வாள்கள் இரண்டை கைவிட்டு தப்பித்த நிலையில் ஒருவர் காயங்களுடன் பிடிக்கப்பட்டு .வட்டுக்கோட்டை பொலிஸாரிடம் ஒப்படைக்கப்பட்டார். இரண்டு வாள்கள் மற்றும் மோட்டார்களையும் பொலிஸார் கைப்பற்றி எடுத்துச் சென்றனர்.
