தளபதி விஜய் தற்போது இயக்குநர் வம்சி இயக்கத்தில் வாரிசு திரைப்படத்தில் நடித்து வருகிறார்.
பெரிய எதிர்பார்ப்பை ஏற்படுத்தியுள்ள அப்படத்தின் படப்பிடிப்பு விறுவிறுப்பாக நடைப்பெற்று வருகிறது, மேலும் இப்படத்தின் படப்பிடிப்புகாக நடிகர் விஜய் விசாகபட்டினத்திற்கு செல்லும் போது எடுத்த புகைப்படங்கள் வெளியாகியுள்ளது.
இந்த படத்திற்கு பிறகு விஜய் இயக்குநர் லோகேஷ் கனகராஜ் இயக்கத்தில் 67-வது திரைப்படமான தளபதி 67ல் நடிப்பார் என உறுதியாகியுள்ளது. ஆனால் அப்படம் குறித்த அதிகாரபூர்வமான அறிவிப்பு இன்னும் வெளியாகவில்லை.
மேலும் சமீபத்தில் லோகேஷ் கலந்து கொண்ட நிகழ்ச்சி ஒன்றில் தளபதி 67 குறித்து பேசியிருந்தார். அதில் தளபதி 67 குறித்து தன்னிடம் எதுவும் கேட்க வேண்டாம் என்றும் அதிகாரபூர்வ அறிவிப்பு விரைவில் வரும் என்றும் கூறியிருந்தார்.
இந்நிலையில் தற்போது தளபதி 67 படத்தின் அப்டேட் வரும் மாதம் வரும் எனவும் அதற்குள் விஜய் வாரிசு படத்தில் நடித்து முடித்துவிடுவார் என தகவல் வெளியாகியுள்ளது.
