யாழ்ப்பாணம் -காரைநகர் பகுதியில் அத்துமீறி மீன்பிடியில் ஈடுபட்ட 14 தமிழக மீனவர்கள் கடற்படையினரால் நேற்று கைது செய்யப்பட்டனர்.
காரைநகர் பகுதியில் அத்துமீறி மீன்பிடியில் ஈடுபட்ட போது ஒரு படகுடன் 14 தமிழக மீனவர்கள் கைது செய்யப்பட்டனர் என்று கடற்படையினர் தெரிவித்துள்ளனர்.
கைது செய்யப்பட்டுள்ள தமிழக மீனவர்கள், காங்கேசன்துறை கடற்படை முகாமிற்கு அழைத்துச் செல்லப்பட்டு விசாரணைகள் முன்னெடுக்கப்பட்ட பின்னர் மயிலிட்டி துறைமுக கடற்தொழில் நீரியல் வளத்துறை திணைக்கள அதிகாரிகளிடம் ஒப்படைக்கப்படுவார்கள் என கடற்படையினர் மேலும் தெரிவித்தனர்.
