மானிப்பாயில் மரத்திலிருந்து வீழ்ந்து ஆறு பிள்ளைகளின் தந்தை பரிதாப மரணம்!
மாமரத்திலிருந்து வீழ்ந்தவர் பரிதாபமாக உயிரிழந்தார். மாமரத்தில் ஏறி கிளை ஒன்றை வெட்டியபோது கிளை முறிந்து கீழே வீழ்ந்ததில் ஆறு பிள்ளைகளின் தந்தை உயிரிழந்துள்ளார்.
இச்சம்பவம் நேற்று (14) பிற்பகல் நிகழ்ந்துள்ளது. மானிப்பாய் சங்குவேலி தெற்கைச் சேர்ந்த நாகேந்திரம் நகுலேந்திரன் எனும் 48 வயதான ஆறு பிள்ளைகளின் தந்தையே இவ்வாறு உயிரிழந்துள்ளார்.
கீழே வீழ்ந்து சுயநினைவு இழந்து காணப்பட்டவரை யாழ் போதனா வைத்தியசாலைக்கு கொண்டு சென்ற போதும் அவர் ஏற்கனவே உயிரிழந்துவிட்டதாக தெரிவிக்கப்பட்டுள்ளது.
