ஹம்பாந்தோட்டை – சூச்சி கிராமத்தில் துப்பாக்கிச்சூட்டுக்கு இலக்காகி 38 வயதான ஒருவர் உயிரிழந்துள்ளார்.
மோட்டார் சைக்கிளொன்றில் வந்த இனந்தெரியாத இருவர் நேற்றிரவு(21) 9 மணியளவில் துப்பாக்கிச்சூடு நடத்திவிட்டு தப்பிச்சென்றுள்ளதாக பொலிஸார் தெரிவித்துள்ளனர்.
துப்பாக்கிச் சூட்டுக்கு இலக்காகி பலத்த காயமடைந்த நபர் வைத்தியசாலையில் அனுமதிக்கப்பட்டதன் பின்னர் உயிரிழந்துள்ளார்.
ஹம்பாந்தோட்டை – சிறிபோபுரவைச் சேர்ந்த ஒருவரே இவ்வாறு உயிரிழந்துள்ளார்.
சம்பவத்துடன் தொடர்புடைய சந்தேகநபர்களை கைது செய்வதற்காக விசாரணைகள் முன்னெடுக்கப்பட்டுள்ளதாக பொலிஸார் குறிப்பிட்டுள்ளனர்.
