மாத்தறை – கொட்டபொல, தித்தவெல்ஓவிட பிரதேசத்தில் வீடொன்றிலிருந்து வயோதிபப் பெண் ஒருவரின் சடலம் நேற்று முன்தினம் (23) மாலை மீட்கப்பட்டுள்ளது.
குறித்த பெண்மணி தனிமையில் வாழ்ந்து வந்துள்ள நிலையில், நேற்று மாலை உறவினர்கள் வீட்டிற்கு சென்று பார்த்தவேளை, அவரின் சடலம் மெத்தையில் சுற்றப்பட்ட நிலையில் காணப்பட்டுள்ளது.
76 வயதான இரண்டு பிள்ளைகளின் தாய் ஒருவரே இவ்வாறு சடலமாக மீட்கப்பட்டுள்ளார்.
உறவினர்கள் வழங்கிய தகவலுக்கு அமைய, சம்பவ இடத்திற்கு சென்ற பொலிஸார் மோப்ப நாயின் உதவியுடன் விசாரணைகளை முன்னெடுத்துள்ளனர்.
வீட்டில் உள்ள பொருட்கள் கலைக்கப்பட்டுள்ளதாகவும் குறித்த பெண்மணி கொலை செய்யப்பட்டிருக்கலாம் என சந்தேகிப்பதாகவும் பொலிஸார் தெரிவித்துள்ளனர்.
பிரேத பரிசோதனைக்காக சடலம் மாத்தறை பொது வைத்தியசாலையில் வைக்கப்பட்டுள்ளது.
சம்பவம் தொடர்பில் மேலதிக விசாரணைகளை கொஸ்மோதர பொலிஸார் முன்னெடுத்துள்ளனர்
