தியாக தீபம் திலீபன் நினைவேந்தல் உணர்வு பூர்வமாக அனுஷ்டிப்பு!
இந்தியாவுக்கு எதிராக அஹிம்சை வழியில் போராடி மடிந்த தியாக தீபம் திலீபனின் 36ஆவது நினைவேந்தல் தாயகத்தில் எழுச்சியுடன் உணர்வுபூர்வமாக அனுஷ்டிக்கப்பட்டது.
தியாக தீபம் திலீபன் திருஉருவம் தாங்கிய நினைவு ஊர்திகள் நல்லூரில் அமைந்துள்ள திலீபனின் நினைவிடத்தை வந்தடைந்துள்ளன. அதேவேளை தியாக திலீபனின் சொந்த ஊரில் அவரது வீட்டின் முன்பாகவும் இன்று நினைவேந்தல் நடைபெற்றது. அதேபோன்று தியாகி திலீபன் உணவு தவிர்ப்பு நடத்தி உயிரிழந்த நல்லூர் கோயில் வடக்கு வீதியில் உள்ள இடத்திலும் , நல்லூர்ப் பின்வீதியில் அமைந்துள்ள நினைவுத்தூபியிலும் நினைவுகூரல் மேற்கொள்ளப்பட்டன.அதேபோன்று தாயகத்தின் பல்வேறு பகுதிகளிலும் சிவப்பு- மஞ்சள் கொடிகள் கட்டப்பட்டு தியாக தீபத்தின் எழுச்சி கீதங்களும் இசைக்கவிடப்பட்டுள்ளன.
